تونس بلاد الطفّارة

حديث الساعة هذه الأيام هو على شقيق وزير العدل الحالي نورالدين البحيري الي شملو العفو و خرج من السجن الي دخلو بعد إتهامو بقضية اخلاقية و هي الإعتداء بالفاحشة على طفل ميعبر عنو في لغتنا الدارجة "بالطفارة". بعيدا على المزيدات و إحتراما لشعور الضحية و عائلته اعتقد انه لا يجب الحديث كثيرا في هذا الموضوع فقط اريد ان أتكلم على ظاهرة الطفارة و علاقتها بالشعب

.التونس

في عام 1987 بن علي طفرانقلاب على الزعيم بورقيبة و طفر هو الحكم بدى في تطفير المواطنين بكل حزم هذه المسيرة تواصلت على مدى 23 سنة إلى ان جاء اليوم الي شعب طفر فيه بن علي و عصابتو و عمل ثورة كانت مطالبها واضحة و جلية : شغل حرية كرامة. بعد ذلك رجع راشد الغنوشي وجماعتو للبلاد و تكون حزب حركة النهضة و بقدرة قادر الشعب تطفر الي مسلم و كافر و بدينا نحكيو عل هوية و زادو طفرولنا وذنينا بعبارات جديدة الماسونية الإلومناتي الشعب العربي بتونس اعتقني غلمان فرنسا البوليس

 ..........    السياسي وموتو بغيظكم

 في هذه الأثناء كان محمد الغنوشي وزير اول اخي طفروه باعتصام القصبة و المبزع حط سي الباجي في بلاصتو

سي باجي قال لازمنا نطفرو مجلس تأسيسي مدام هذا المطلب عليه اجماع تفض الإعتصام و حتى الى كان موش موافق على المجلس تأسيسي طفر السكينة بدمها و سكت وتطفرت البلاد شوي. بدات الأحزاب تحضر في روحها للإنتخابات اخي جانا سي الجندوبي قال منجموش نطفرو انتخابات باهية في 24 جويلية زيدونا شوي وقت اخي سي باجي قلو برا نطفروها في 23 اكتوبر. جاء اليوم الموعود و مشينا ننتخبو الي هذا طفر صبعو في الحبار طفر قاطع و مقطوق قدام حزبو و فما شكون طفرها بعد حزبو و فما شياب قلولهم طفرو لهنا قدام الحمامة حاصيلو كملت الإنتخابات و النهضة طفرت 41% مل الأصوات بعدها جاء المؤتمر ثم

.العريضةالي طفرت المرتبة الأولى في سيدي بوزيد و بعدهم التكتل

النهضة قررت باش طفرالمؤتمر و التكتل و يعملو تحالف حاكم بيناتهم بدات ترويكا هذه طفر في الحكومة بتاعها و تفاهمو باش الجبالي يطفر منصب رئيس الحكومة المرزوقي رئيس الجمهورية و بن جعفر يطفر منصب رئيس المجلس. في مجلس الي بدا يجتمع في 22 نوفمبرتطفر بن جعفر اول واحد في منصبو ثم عملو لجنة طفرتلنا قانون تنظيم السلط هذه اللجنة يطفرها حبيب خذر واهم ما جاء بيه هذا القانون انو طفرت رئيس الجمهورية بصلاحيات صغيرة ياسر بينما رئيس الحكومة طفر صلاحيات... برا نقولو موش نرمال.  بعد ما صادقو على القانون قام المجلس بتطفيرالمرزوقي الي كان المرشح الوحيد رئيسا الجمهورية المرزوقي عين الجبالي رئيسا للحكومة و قالو ايا بسرعة طفرلنا حكومة باهية بعد مدة تكونت الحكومة الجديدة و بدات تخدم على روحها اخي جات حكاية منوبة السلفيين طفرو الكلية و قالو ماناش خارجين منها كان ما الأخوات يدخلو يطفرو بالنقاب و بعد في بالنا تفضت لحكاية الحاكم طفرلهم الإعتصام اخي هوما عاودو طفروه مالأول مرة اخرى و على ذكرالسلفيين خرج خبر الي هوما طفرو سجنان وبداو يطفرو كيف ما يحبو في غياب الأمن إلي هذه الأيام داخل بعضو و منعرفوش زعمة العجيمي طفروه ولا

.بالعكس طفروه الى منصب أعلى

وصلنا تو الى 14 جانفي المؤشرات الفايسبوكية كانت تقول الي نحنا باش نطفرو مظاهرة كبيرة ضد النظام اخي مطفرتش و تعدى نهار احتفالات بالثورة الي طفرناها و جاء امير قطر يطفر معانا وكمل طفر المرزوقي قدام الكميرا ..وكملت الإحتفالات و بدات لعاد تحس الي الحكومة تطفر بينا و حسب الأخبار الأمور شاعلة في الرديف و مكثر و غيرها من المناطق و كمل عليهم قبيلة ولاد عيّار ثغششت وطفرنا 50 سنة لتالي بحكاية القبائل و من فوق انونيموس طفرو فيديو قالو الي هوما باش يطفرو الترويكا و الشعب يغلي و الحكومة طفر في نوم و اتباعها قالو المشاكل هاذي من راس اليسار و جماعة 0 فاصل الي يحبو يطفرو البلاد و الشعب بيناتهم يطفر في خدمة باش يعيش بها بقدرو

!!!!!!  خلاصة القول طفّرو بحياتكم قبل فوات الآوان لا يشد يطفركم شرشبيل