وقتاش نجم ننتخب الشخص هذا ؟

بعد دراسة عميقة إمتدت لشهور للساحة السياسية في تونس و من موقعي البسيط كمواطن واعي بدقة المرحلة القادمة و عارف إنو صوته مهم 

لتحديد مصير البلاد قررت

:إني باش ننتخب السياسي الي يلتزم بالشرط الذي اشتطره عليه و ذلك مهما كان إنتمائه الحزبي 

المنصف المرزوقي : يعاود التسجيل الشهير حول الإسهال مباشرة من مرحاض القصر الرئاسي بعد اخبار الثامنة

احمد نجيب الشابي : يعمل ديفريساج

شكري بلعيد : يحجم شلاغمه

حمة همامي : يخطب خطبة الجمعة و يؤم المصلين في جامع الفتح

رفيق بوشلاكة : يجيب على سؤال شنوا عاصمة مدغشقر

جوهر بن مبارك : يخرج نهار إلى الشارع من غير أن يستعمل مثبت الشعر

باجي قايد السبسي : يحطم الرقم القياسي بتاع اوساين بولت في 100 متر

مصطفى بن جعفر : يطلع فوق الطاولة في المجلس تأسيسي و يهبط سروالو و يقول شوفوني راني راجل

براهيم القصاص : يترجم كتاب مادام بوفاري في ثلاث ايام

منصف بن سالم : يغني أغنية نسونا دورما في دار الأوبرا في ميلانو و جمهور ياقف و يقعد يصفق عليه خمس دقائق

محرزية العبيدي : تخرج حية من كومبا مورتال هي و براهيم القصاص

عبد الوهاب معطر : يمشي يخدم ثلاث أشهر في ليبيا متنكر تحت إسم دافيد كوهين و يبدا لابس مريول مكتوب عليه فوك روليجيون لا لشئ فقط للمغامرة

سمير ديلو : يركب في ألة زمن و يمشي إلي إيطاليا في قرن السابع عشر وقت ماكلة بعضها على غاليلي و يقول أنا لأول مرة في حياتي مانيش باش نكذب و أصرح  أني موافق  النظرية هاذي بأن الشمس ثابتة و الأرض هي تدور حولها  و يرجع لاباس

طارق ذياب : ياخذ البكالوريا ... الفرنسية

لطفي زيتون : يطلق حملة عالمية لحماية الكركدن من خطر الإنقراض يبدا هو مديرها و الماسكوت بتاعها في نفس الوقت

.الشّيخ مورو : يرجع يسكر في اللّيل و يذّن في الصّباح

حمادي جبالي : يدخل عضو في أكاديمية اللغة الفرنسية

سمير بن عمر : وقتلّي يعمل ايبارناسيون كيف دبّ الباندا و يرتّحنا من خلقته 6 شهور في العام

I LOVE KHARDHAWI  راشد غنوشي : وقت  الي يعمل في جبينه وشم 

.وقبل هذا الكل لازمهم يبوسو عينيهم

.انتهت

à quoi servent les titres ?

Respire !! c'est pas encore le temps pour lacher dessine des étoiles sur un bout de papier chante l'alphabet arrive à la lettre "ème" crie la à haute voix au plus haut sommet de tes montagnes imaginaires pour que les sales races écoutent ton rugissement... tigresse.... 

Danse !! sur des cris de guerre cherche le maori en toi mets le en face de tes soucils, de tes nuits de faiblesse, de ta soif ... laisse le te guider vers la péninsule de la gaité ton monde à toi là ou personne ne peut y être sans ta permission... tu auras la mer... et un bout de terre qui te rattaches à "d'ou tu viens"...

Souris !! pour que la terre cesse de tourner, pour répondre la paix, pour effacer le mot tristesse du vocabulaire de l'humanité ect je m'en fou... et pour que moi egoiste de nature je savoure cet instant big-bang-tique quand j'explose à l'intérieur et je vois naitre mon univers... 

Cours !! ne regarde pas derrière toi... ne pense pas à ceux qui te cours après : les malsaints, les monstres aux cheveux dorés et même les créatures maléfiques que tu as inventé : un cerbère à 17 têtes face à toi ce n'est plus un danger... on ne t'attarapera jamais tu auras toujours ta péniscule pour se réfugier.

Fume !! souffle ta fummée de cigarette vers le ciel comtemple sa montée ... essaye de visionner des images, des symboles, des chemins à tracer... prédis ton avenir comme tu souhaites l'avoir... la fumée ça vient de toi c'est ta volonté.

Promene !!-toi une nuit d'automne dans un champ de fleur, sur une plage désertée... leve ta tête regarde les étoiles choisis une, donne lui un nom bizarre peut importe...  elle saura t'orienter.. toujours.

Bois !! du chocolat chaud c'est bien pour la santé.

جولتي في حديقة الحيوانات بالبلفيدير... الدولة الغابية... الثورة الفكرية

                           (هذه قصة خيالية مستوحات من أحداث واقعية (نحشي فيه

لا أستطيع ان اصف شعور الفرح الذي يغمرني بعد كل مرة اقوم فيها بزيارة حديقة الحيوانات بالبلفدير فرحة من نوع خاص حسبتها

.ستظل حكرا على سنوات الطفولة الجميلة فقط

سبحان الله كل واحد و جو واحد يحب يمشي للستاد واحد يحب يمشي الي علب الليلية ... و أنا نحب نمشي للبلفدير باش نعمل جو. و كي نمشي للبلفدير نحبذ انو نلقاها فارغة قدر المستطاع من الجنس البشري لكن المرة هذه لقيتها تملا و تفرغ حتى خارج

.الحديقة قاعدين في قازون قلت ميسالش خلي لعباد تتفرهد و تنحي الظغط الي هابط عليها

وصلت قدام الباب بتاع الحديقة نلقى صف طويل قلت يحبلي ساعة أخرى باش ندخل تلفت يمين و يسار نلقى عباد تبيع في تساكر سوق سوداء التسكرة زايدة 200 فرنك معناها تولي بدينار قلت بره نربح الوقت و نربح السيد شويا رغم الي أنا ضد ظاهرة سوق السوداء لكن قلت ميسالش المرة على أقل واحد باش يشوف حاجة باهية موش داخل الى كرة قدم او حفلة بتاع ثامر حسني. خذيت التسكرة ودخلت للحديقة نشوف فيهم مواطنين من كل الشرايح العمرية و الطبقات الإجتماعية و أطفال صغار فرحانين يجريو في كل الإتجاهات و نسمع في لهجات تونسية من بلايص الكل حاصيلو تقول تونس تصبت في البلفيدير.بديت نتنقل من قفص الي قفص ونشوف في الحيوانات و هي تظهرلي للوهلة الأولى عاملة جو و تلعب و كالعادة بين القفص و القفص لازم

.تلقى قفص فيه قرودة  ما عليناش شبيهم القرودة راهم باهين ياسر

و بعد وقفت قدام قفص مكتوب في اللافتة الي قدامو هذا طا ئر العقاب و حطين معلومات عليه خزرت نلوج على العقاب ما لقيتوش و لقيت في بلاصتو بومة قلت العقاب عندهم بومة معقول ما عليناش نتعد للبعدو نلقاها لحكاية تتعاود في برشه اماكن اخرين تقرا ببغاء تلقا فيه دندون و بتاع اليمامة تلقا فيها دجاجة ... بديت نفد شويا من الزحمة قلت خلي نمشي نعمل قهوة عربي و في القهوة نسمع في غناية ام كلثوم سوف تلهو بينا الحياة جبدت ايجي نص ساعة انا كملت القهوة و الأغنية ما كملتش و قدامي راجل شايب يدلوح في راسو على الأنغام و انا بديت نخزرلو تلفتلي جات عين في عين حشمت اخي قالي من غير مقدمات : اييييه الدنيا فسدت يا حسرة على وقت قبل. تبسمت للحاج و مشيت خلصت القهوة و خرجت باش نكمل الدورة.وقفت قدام قفص بتاع الضبع المخطط اخي جاء راجل هو ولدو و بنتو صغار قالولو بابا شنوا هذا و هو متلف مبعد قاللهم تي هذا نمر صغير !! (علما و انو المره هذه اللافتة صحيحة) و أنا من غير ما نشعر رغم الي موش من عوايدي ندخل خشمي اما ما حملتش ولاد صغار ياخذو معلومة غالطة قلت بالك كي يكبرو يقعد الضبع عندهم ديما نمر اخي قلت للسيد يا ضبع !! قلي نعم ! قتلو هذا ضبع اهيكا البلاكة قلي مرسي عليك و

.قزمط شفايفو و قال لأولادو هذا إسمو ضبع

و من وقتها بديت نحس مع الفرحة بتاع الطفولة بشعور بالتنرفيز ما نعرفش كان فمة كلمة في لغات العالم تنجم توصف هذا الشعور لكن الحاجة الي نعرفها انو هذا الشعور بدا يمشي و يكبر لسبب اني من وقتها غصبا عني وليت نركز على العوج و تصرفات الغريبة للعباد  في الحديقة تقولش عليهم هوما ولاو حيوانات (حاشاكم) بحيث تقلب الصورة عندي و لسبب او لآخر حسيت انو نحنا ماناش بتاع ديمقراطية و دولة مدنية بل في الوقت هذا تمشي معانا كان الدولة الغابية الي

.فيها كل واحد يتصرف كيما تقلو غريزتو لا قوانين لا والو

كملت ندور

بديت نشوف في أباء يهزو في ولادهم وراء السياج الحامي و يحطوهم قدام القفص و يبدا الأب فرحان و يقول الى ولدو شوف القرد كيفاش يعمل ارميلو شويا كاكي و تجي تشوف تلقا بلاكة قد السخطة مكتوب عليها تنبيه ممنوع الإقتراب و إطعام الحيوانات. وزيد كي بديت نخزر للقاعة نلقاها معبية بالأوساخ الواحد يجي بحذا الزبلة و يرمي كاغط اودبوزة فارغة في القاعة خلي عاد ساشيات القطانية و الكاكي المتناثرة في كل مكان و خبز مطيش حاصيلو ناقص كان ما جابوش قصاع كسكسي و يمكن كان جاء الحال صيف راهو كل واحد هازز دلاعة في إديه. مشيت وين فما الدببة نلقا واحد يتحرك و لاخر مددود دايخ يجي طفل صغير يرمي عليه شقف بتاع قازوزة بلاستيك صغيرة ما جاتش فيه و طاحت كيما عديد شقوفات في الماء تلفتلو بوه قالو شعرة بركة لا جات فيه ايا يزي توا لا يشوفك العساس  ويعمللنا مشكلة. تعديت على حوض فيه فرس النهر نلقاه غاطس في الماء هو هز راسو و هز معاه ساشي كحلة غطتلو وجهو و العباد بدات تضحك شايخة كل عادة و الكبار يحملو في أولادهم باش يوريهم المنظر الجميل و واحد قال الى ولدو شوف الكركدن كيفاش عندو ساشي في وجهو و أنا كالعادة بديت نتكلم وحدي كالمهبول و قلت ملا فرس النهر هذا فماش ما يسمعني السيد و يصلح لولدو و من غير ما نطول عليكم تعديت على قفص الأسد نلقاه بارك بعد النمر نلقاه تقول عامل بلعاني و عطيهم بالظهر و العباد تضرب في القفص و تصدر اصوات غريبة عا ا ا ا اغوووووووا ا ا والنمر كان جاء ينطق راهو قللهم يدكم! خليتهم

.في عا ا ا ا اغوووووووا ا ا و

.خرجت شريت جريدة ضد السلطة و روحت

بعد الحكاية الحولة هذه كل واحد ينجم يستنتج الي يحب بالنسبة ليا انا نتصور انو لازم يردو سوم التسكرة ب 3 دينارات و نحب زادة يكبرو في قفص بتاع الفهد.

:من ناحية اخرى حكيت على اننا مجتمع بتاع دولة غابية على خاطر  فما قرد  حكيم (اهايكا صورته  ادناه) قال لي 

 إنطلاقا من إعتقادي بأن المواطنين الي شفتهم ليوم يمثلو عينة ممثلة للشعب التونسي على الأقل بتصرفاتهم و بالتالي نحب نقول الي الشعب بتاعكم ما هوش منظم او مستهتر على خاطر قفص العقاب لا زم قدامو لافتة بتاع عقاب و من ناحية اخرى شعب يحشم باش يقول راني ما نعرفش الحاجة اذيكا و يجاوبك و يعطيك إيجابات غريبة و غير مفيدة خاطر الضبع ماهوش نمر و الكركدن ماهوش فرس نهرو من ناحية أخرى لا يحترم القوانين خاطر كي يقلك لا تقترب من القفص معناها لا تقترب و زيد ناقص وعي ذاتي خاطر يلوح الأوساخ وين جاء ...

و بما انو نحنا تحبو على  ديمقراطية و دولة مدنية الحاجة الي نعرفها هي أنهم موش شعارات بركة لازم فمة ارضية تسهل تركيز الحاجات اذوما. و بما انو التصرفات الي حكيت عليهم ولات عندكم كيما "الثقافة" و تتعدا من جيل الى جيل و هذه الثقافة ما جاتش من فراغ و حسب ما فهمت تتسما جزء من النظام

و بما انو انتوما عملتو حاجة تحسابوها ثورة و ونحيتو بن علي وجبتو النهضة والحاجات هذه مازالت موجودة عندكم (نعرف مازال بكري على الحكم لكن نضن الي هيا باش تقعد) فإذا لازمكم على الأقل

.ثورة فكرية صحيحة تكمل الي عملتوه في 14 جانفي 2011 ولازم تغيير النظام اذا ما نقولش اسقاطو

و تحية الي حيوانات البلفيدير

انتهت

هل انت مناضل افتراضي ؟

هل انت مناضل افتراضي ؟

 امر بسيط جدا وقتاش بديت تتكلم على الفايسبوك او وقتاش حليت بلوغ تتنتقد فيه النظام ؟  انت مناضل افتراضي لو كنت من القلائل الذين لمم ينتظرو 14 جانفي كيما قال العربي نصرة فأنت مناضل مهما كانت ارائك في الفترة الحالية و مهما كان طحينك للحكومة وبارك الله فيك الي في السابق وفي سنوات الجمر عندما كان الشعب يضرب في النوم حاولت من موقعك انك تقاوم النظام بتاع بن علي  مهما كانت توجهاتك الفكرية و ايديولوجيا بتاعك كونك كنت اسلامي سلفي تحب على خلافة اسلامية او أنك كنت ليبيرالي او شيوعي او  لا سلطوي او علماني او ريفورميست تحب تغير اشياء بسيطة في النظام ... المهم إنتي تكلمت و ساهمت من موقعك في الثورة الي الحاجة الي لازم نعرفوها كون الثورة هاذي لم تأتي من السماء او من عباءة الشيخ القرضاوي بمانسبة قعدت نخمم شنوه الحاجة الي تحت عباءة تنجم تجي منها ثورة و نظرا الي بدينا نشمو في روائح كريهة عرفتها

.البلاصة

الثورة جات (مع جملة من الأسباب الأخرى) من التراكمات بتاع اجيال ناضلت بما استطاعت في سنوات الجمر باش مينقطعش على

.الأقل الإحساس بوجوب التغيير لو أتيحت الفرصة و بأن الوضع في البلاد لم يكن يُوتُوبِيًا كما يخيل لنا

اذا كنت من الأشخاص الي بداو يتكلمو بعد 14 جانفي او في الوقت البدل الضايع كي هبطت العباد الي الشارع و بدات تسب في بن علي و جماعته بأعلى صوت و تقطعلو في تصاوره ... و الشعب وصل الي نقطة اللا عودة  فإنك ببساطة كيف حالتي انا لست

.مناضل و إرتاح

 (لكن في هذه الحالة هناك زوز مستويات للنقاش  (غمزة للي فهمها

المستوى الأول : شخص يعتبر انو المناخ اصبح ملائم ليه باش يعبر على افكاره بكل حرية دون اي خوف لاهو باش يعتبر بطل او منظر بتاع ثورات و في أخر المطاف باش يلقى روحو يلعب في دور مواطن خاطر يمكن نحنا كان عندنا لبس في تعريف كلمة مواطن ويمكن كان مشات معاه الأمور و افكارو عجبت برشه ناس ينجم كان يحب يخرج من العالم الإفتراضي و يولي ناشط في المجتمع

.المدني او رجل سياسة 

 المستوى الثاني :هو العباد الي جاية من تالي وتعيط يا مالي اناس عطاهم الوقت و بفضل السذاجة فئة من المجتمع الذين لم تكن لديهم فكرة على المناضلين القدم ولكن ايضا لم يكلفوا أنفسهم عناء البحث في تاريخ هؤلاء المتشعبطين الجدد و رغم هذا يصدقون

.اخبارهم العجيبة و إشاعاتهم و  تقولش جايتهم من وكالة رويترز 

  الجماعة المتشعبطين الي ما يعجبنيش فيهم هو انهم بعد الثورة اصبحو يداعيو البطولة في وقت الي الأبطال الحقيقين استشهدوا و المناضلين القدم في الغالب لم يظهروا في الصورة بإرادتهم او ان الأضواء لم تسلط عليهم كما ينبغي باش يأخذوا اماكنهم الطبيعية و لم يقومو كما ينبغي بإستغلال الفايسبوك هو ما فتح المجال باش المتشعبطين الجدد ياخذولهم اماكنهم وفوق من هذا يقومون بتشويه صورتهم لدى مرتادي الشبكة الإجتماعية.   المتشعبطين الجدد والي هوما ادمينات الصفحات الي سمات رواحها ثورية يحبو يوهمونا الي بلاش بيهم ما كانت تنجم تصير ثورة تقولش عليها ثورة في إيران او كوبا او الثورة المكسيكية... نجحت خاطر فايسبوك وبالأمارة فيديل كاسترو و خوميني و زاباتا كل واحد كان ادمين بتاع الحقائق الخفية في بلادو و من غادي اشعل فتيل

.الثورة و بدا ينسق في تحركات الشعبية

و قبل أن اختم صفة مناضل في العموم ما تنجم تستعمل كان في اطار نظام استبدادي عمركمشي سمعتو بمناضل ضد النظام الفرنسي او النرويجي ... و بالتالي شوفو شكون عارض بن علي توا تعرفو المناضلين الحقيقيين و عددهم نتصورو ما يكونش مرتفع ياسر بقى انو واحد لازم يعرف الي صفة هذه لا تعطي شرعية للشخص باش يتكلم كيف ما يحب كما انها ما تردوش بالضرورة طيب  جعبة في البلاد و أحسن مثال رئيسنا المفدى المؤقت و بعض أعضاء حزبه و حلفاءه من النهضة والتكتل هذا بالإضافة الي بعض

.المدونين القدم الي هو ايضا يعتبرو مناضلين

واخيرا و مثلما يقول المثل ما اخيب من شعباط جديد كان مناضل قديم أصلع او شعرو طويل بو مرايات او لا و ماسط لكزه تخلى على

.مبادئه او من البداية كان يحشي فيه من أجل السلطة او باش يدبر بلاصة  

انتهت

مونولوغ المرزوقي

تي خلي يحكيو مثلما يريدون و كيما يقول المثل الكلاب تنبح و القافلة تسير يكفيني فخرا انني أول رئيس منتخب في تاريخ تونس

.وأيضا أول رئيس منتخب بشفافية و من قبل الشعب في تاريخ الدول العربية

هذا هو الي سيذكره التاريخ و سوف لن يذكر انني اعلنت ترشحي قبل منروح الى تونس و جروح العباد مازالت لم تندمل وأنني

وصلت للمجلس تأسيسي بأفضل البقايا و بأني كنت في سباق وحدي من أجل هذا المنصب و بأني لا أملك الكثير من

.الصلاحيات

لازمني نخمم في المستقبل توا و نتلهى بروحي شويا خلي نعطي الوهرة  و الكريزما بتاع الرئيس و نعمل فازات ترجع حب ناس ليا برشة كرهوني على خاطر تحالفت مع النهضة اما برجولية مانيش نادم  على التحالف هذا مادام نجح وهاني شايخ نبرطع في القصر شكون كيفي ؟ اكا لصلع نجيب شابي هو و المسمامة مايا و لا حمة الهمامي مكبش في الشيوعية حاسبها مازالت تقظي في وقتنا اهوكا حصلو صبع الوسط لاعبينا بتاع مبادئ  و قيم اخي مازالت الخزعبلات اذيكا توصل لازمك تكون ذيب و تعرف كيفاش تكمبس باش

.توصل للهدف بتاعك

 اما الي مقلقني هو حكاية المؤقت الي كبشولي فيها كي قرقنة و زيد يحبو الدستور يكمل في عام مانيش عارف كيفاش باش نعقبها عليهم المرة هاذي. في حملة الإنتخابية نومتهم بحكاية البوليس السياسي و القطع مع الماضي و الي نحنا حزب خالي من المال السياسي بينما الفلوس تجي تحت حس مس من عند  شقرون و بعد حتى انا فرحت بيه و حطيتلو بنتو مستشارة من جملة المستشارين البندارة المدورهم بيا هوما صحيح برشا 

.اما واحد لازم يرضي لحبيبات و القفافة الجدد كيما منصر اهوكا تبارك الله عاطي ما عندو ههههههههه 

الحكايات الشعبوية بتاع قبل الإنتخابات معادش تصلح لبستلهم برنوص اخي لعباد شاخت عليا و عملوني تكركيرة قلت هاني باش نبيع القصورات باش نخدم البطالة كيف كيف مخطفتش تقولش عليه الشعب تبدل وينهم الدغف لإنتخبوني وليتشي نمجد في بورقيبة باش يحبوني مانيش فاهم شنوا الي عجبهم فيه كان على الصلعة انا بيدي اصلع كان على قصر القامة كيف كيف القراية حتى انا قاري البرة و واصل خير منو دكتور في الإسهال الي قلك ... و موش بركة يحبوه هو ! يحبو ريحة ريحتو اخي مالا علاش عاجبهم السبسي المقص تقولش عليها مبعوث بالذمة باش يمررلي حياتي والي زاد نرفزني بلي نتاكي فيه هو باعثني طول و عرض اما اهوكا لعبولو اللعبة باش يكركروه للمحاكم على قظايا اليوسفيين و التعذيب مالا كيفاش ؟ هذا هو وقتنا وقت اليوسفيين

.شماتة في جماعة بورقيبة اك 0 منعرفش شنوا

من شيرة اخرى كي تجي تشوف تلقاها عكست معايا شويا نعرف روحي عتبة و وجهي احرف اما موش للدرجة هاذي ثلوج و برد و فيضانات مشيت عملت طلة على شمال الغربي من غدوة بوسالم قريب لهزها الماء ...ربي يقدر الخير يمشيش يضربنا زلزال يمحينا

.من الخريطة و ترصيلي بعيد الشر منغلقش عام في الرئاسة يا لطيف الطف

حاصيلو توا حسب مانشوف في الفايسبوك فما زوز مواضيع نجم نحكي فيهم و ينجمو يبرقشولي صورتي و الي هوما موضوع السلفيين و موضوع سوريا هاذوما الي باش ندز بيهم فازتي لا غلاء الأسعار لا فلفل لا فقوس اذيكا مشكلة حمادي خلي يكمل يتحشالو و يضيع فيها على قاعدة  نهار كامل دازها يضحك و يعنق و اخر ما عمل يشحت في السعودية باش يعطونا فلوس و الكركدن الي معاه قللهم مانش باش نقلقو السعودية و نطلبو منها ترجعلنا بن علي جات في وجوهم هوما خير. 

السلفيين بتاع وذني ماني زلقتلهم الجراثيم و اهيكا عملت بوز و حتى الإعتذار نرمال المهم الكلمة خرجت و زيد الوليّد عبو عطاهم الحس قال الي هوما ما شاركوش في الثورة و قت الي لعباد تناضل هوما في العراق و تجي تشوف حرقانهم للمقر بتاعنا جاء في الصلاح كان يزيدو شعلولنا مقر أخر تولي حلوة ياسر. و هاني كملت طلبت من جماعة المجلس باش يعملو قانون يجرم التكفير و سمعتها للناس الكل باش كان عملوه انا حشيتو و كان ما عملوهوش كيف كيف انا حشيتو و تحشى للمدبية المهم ديما نجبد روحي

.من المشاكل

قعدت حكاية سوريا بعد ما طردو السفير و لسقوهالي تي انا مافهمتش من شيرة يقولو الي انا معنديش صلاحيات تي حتى المفتي منجمش نعينو و بعد يقولو شبيه طرد السفير تقولش عليا انا لاهي بسوريا و لا براس لمبوط اما هاني في مؤتمر صوحاب سوريا قلتلهم لا للتدخل العسكري و لا للتسليح و لازم حل سلمي و دغف عجبتهم الفازة هههههه قالو حل سلمي هاو وجهي كان خرج بشار و برهان غليون يحلم باش يولي كيفي رئيس هو صاحبي في باريس اما ربي يعينو هههههههه الحاصيلو توا لازمني ديما ندك للنهضة شعب بدا يفيق بتلوعيب بتاعها و الواحد ياخو حذره لا يمشي معاهم في حنديرة بالنسبة لصطوفة هههههههه سخفني لعزا حالتو تبكي الحجر ربي يفرج عليه اهوكا لا يبل لا يعل ما لقيت ما نكمبسلو  في الأول يستبندى وقال أنا نحب نشد رئيس الجمهورية

.ههههه في لخر ولا نهار كامل و هو يضرب بمطرقة موش كيفي نضرب نصرع.

... يا ولدي يعطيني دودة زايد مع المخ الي عندي 

... ابببببببببببب شنوا هذا !! ملا هيفى وهبي و ملا كليب ايا بره اكاكا بوس الواوا خلي الواوا يصح 

.اش مجيبو هذا توا اوووووووه موش قال باش يجي لعشية

                           ... المرزوقي : عسلامة عسلامة عسلامة ايا تفضل اقعد  يا سي

.النهاية

Révolution : l'arbre sacré

Jadis, les habitants d'un petit village isolé par nécessité ont décidé de planter un arbre nommé révolution de l’eau magique SANGDESMARTYRS on l'a arrosé  dans l'espoir d'avoir une cueillette de dignité, travail et liberté. Au lieu de continuer à s'en occuper, de donner des engrais à bonne quantité et d'assurer que les mauvais rameaux soient taillés ils se sont retournés vers les banalités et ont laissé le petit arbre abandonné les inconnus ont saisi l'opportunité : les fruits non mûr fut volés et un produit est injecté pour que l'arbre soit tué.

Tout le monde était énervé à l'égard de cet acte malintentionné.

Quelques jours après, on a révélé leurs identités c’était une sorte de clergé pendant nombreuses années caché et qui réapparait après cette longue durée leur guide "GHANACHA" bien aimé s'adressa aux habitants agacés : Cher peuple manipulé qui vous a dit que cette arbre donnera les fruits escomptées ? Ecoutez moi je ne vous dis que la vérité. Cet arbre est sacré mes mots sont bien pesés oui il est sacré depuis quelques jours un signe de la déesse MOZZA m'a été adressé ça m'a permis de découvrir la réalité et voilà cher peuple je vais vous divulguer ce que les autres vous ont caché. Cet arbre c'est à moi d’en protéger et dès aujourd'hui il vous ait interdit de le toucher sinon un malheur sera arrivé mais bien qu'il soit sacré pour une raison que moi seul je connais il ne donne pas des fruits jamais ni travail ni liberté ni dignité. Les membres du clergé commencent à hurler sacré guide bien aimé merci de nous permettre de sortir de l'obscurité.

GHANACHA ajoutait cher peuple si comme moi le message divin vous a été adressé vous me suivrez pour le bien de la communauté. La déesse MOZZA m'a ordonné de limiter un verger autour de cet arbre sacré et de planter d'autres arbres qui vous donneront les fruits que vous voulez mais à condition que moi, mes alliés et des associés que vous désignez nous sommes les seuls à y travailler. Au départ personne n'a cru ce que le guide a avancé mais soudain deux hommes nommés TARTOUR et BENJA de la foule jaillissaient et disaient cher guide on a aimé vos idées et on est d'accord pour vous épauler. 

Le guide tenait ses propos déjà citer et le verger fut élaborer et les arbres ont été planté. Il était d'une telle beauté que tous les citoyens ont regretté de ne pas y participé. Mais après quelques temps une chose bizarre est arrivée les fruits n'étaient pas ce qu'on attendait tout le monde criait guide vous nous avez arnaqué GHANACHA comme si il s’attendait dira comment vous en jugez avant d'en gouter tout le monde était convaincu et on a décidé d'en gouter.......

Un habitant attrape le fruit et prendra une petite bouché et après quelques secondes il tomba mort sans branler. Toute la foule s'agitait qu'est ce il aurait pu lui passé ? Le guide bouleversé criait calmez vous c'est une chose à la quelle on n'a pas pensé les fruits de cet arbre sont empoisonnés faute de TARTOUR et BENJA qui n'ont pas respecté la dose de pesticide recommandée vous n’avez rien à reprocher à moi et mes alliées et je vous interdis d'encore en mangé quand à ce martyr il sera toujours dans nos cœurs et nos pensées il nous à évité de subir sa misérable destinée. Allez manger les fruits de l’arbre à coté les habitants étaient frustrés personne ne voulait avancer alors le guide disait n'ayez pas peur la faute ne sera récidivée et pour vous montrez ma bonne foie, je serai le premier à en gouter. C'est fait le guide mangeait le fruit et rien ne s’est passé et ses alliés couraient vers l'arbre pour voir ce que ça a donné et tout le monde criait oh quelle délice quelle gout sucré !!!!

Les habitants décidaient alors d'en gouter et après tous ensemble ils hurlaient c'est quoi ce gout fade et cette amertume accentuée ?! On ne peut pas en consommer. TARTOUR et BENJA eux n'ont pas encore rien mangé le guide leur donna pour essayer après il  se tourna se regarde et aucune réaction n'est observée. Le guide disait hein qu'en pensez-vous mes chers associés ? Le deux disaient cher guide le gout n'est pas celui auquel même on s'attendait le guide répondait  il faut en s'habituer moi et mes alliés c'est ça ce qu'on voulait de plus ce fruit par les autres communes est bien apprécié ils m'ont juré de nous aider à améliorer notre verger et nous envoyer des produits qui ne sont pas à notre porté. Imaginez ce que ça fera de nous dans quelques années ? Sûrement la meilleure des communautés, avec le temps les habitants s'habitueront au gout ça sera une fatalité et soyez sure que vous serez toujours mes associés même si vous n'aimez pas le gout je serai comment vous traitez mais pour tous les habitants ça sera impossible de le réaliser. TARTOUR et BENJA retournaient aux habitants et disaient : le fruit c'est un délice qu'on a jamais savouré pour la minorité qui n'a pas approuvé il ne faut pas gâcher la joie de la majorité heureuse du résultat tant espéré.

Cette minorité ne croyez pas un mot des associés et décidaient de continuer à résister un d'eux nommé TOUNISOS monta sur un rocher et cria si fort que les oiseaux posés sur les arbres s'envolèrent effrayés et il disait à haute voix :

EL ZABAB bande d'enculés on s'arrêtera jamais jusqu'à les autres savent ce qu'ils ont vraiment avalé. 

انا سلفي جميل جدا ا ا ا

بسم الله الرحمن الرحيم ملك يوم الدين والصلاة والسلام على اشرف الانبياء والمرسلين المبعوث رحمة للعالمين بشيرا ونذيرا الذى بعثه الله بالسيف بين يدى الساعة القائل فى صحيح سنته وجعل رزقى تحت ظل رمحى وجعل الذل والصغار على من خالف امرى .

 وبعد ايها الافاضل

 اقدم نفسي انا ابو دلامة السنغفوري مواطن تونس شاب هداه الله الى طريق الصواب و إلتحق بالسلفية لا أزعم انه لي عديد السنوات في الدومان لكن و الحمد لله انا على الطريق الصحيح لتحصيل جنة الخلد ان شاء الله. 

كثر الكلام حول السلفية هذه الأيام فرأيت انه من واجبي كتابة هذه الرسالة لتوضيح صورة السلفي و دحض

.مغالطات الكفار من بني علمان و ماسونيين و غيرهم من القبائل المرتدة

بالنسبة للشكل الخارجي للسلفي الأمر بسيط جدا تستطيعون تمييزنا عن غيرنا بوجوهنا النيرة المشرقة بنور الإيمان والتقوى (أنظر الصورة ادناه) و لحانا الكثيفة الطويلة (كلما زاد الطول زاد الإيمان) التي و ان دلت على شىء فهي تدل على ارتفاع مستوى هرمون الرجولة التستوسترون في دمائنا الطاهرة الزكية ولكن حذاري من الخلط بيننا و بين غيرنا ممن يطلقون لحيهم  كمحبي موسيقي المعدن و بعض المغنين و الشعراء و المسرحيين.. والعياذ بالله.

في ما يخص للهندام فهو عموما يكون احدث صيحات أزياء الخريف المظلم من أسبوع الموضة بقندهار او بمقديشو. نحن الرجال نلبس القمصان البيضاء الطويلة مع طاقية فوق الرأس و في بعض الأحيان جيليه عسكرية اما الحذاء فغالبا ميكون من نوع الرياضي من ماركة نايك الأمريكية  و العياذ بالله لأننا للأسف لم نجد بديلا شرعيا بنفس الجودة.

والآن للتوضيح بعض الأمور سأحاول و الله الموفق تنوير بعض العقول المريضة العلمانية الماسونية املا في أن تهدي الى طريق الحق مثلنا نحن كما كان الحال معي منذ سنوات لولا ان ساعدتني القنوات الدينية كقناة الرحمة و قناة الناس و من ثم وجدت من يحتضنني ويوطرني و حمد الله لأصبح ما أنا عليه الآن سلفي و افتخر بطبيعة الحال أسعى دوما الي ان اصبح شيخا من الشيوخ يوما من الأيام مثل سيدي ابو عياض المجاهد السابق او سيدي الخطيب الإدريسي الذي ذهب ليشتغل ممرضا في السعودية فعاد و الحمد لله شيخا عظيما.

نحن في فرقتنا الناجية من النار لا نستعرف بشىء يسمى الديمقراطية مثلما قال شيخنا المصري خفيف الدم وجدي غنيم : ديمقراطية مولخية !! و هو مايدل على انها شىء اسود اللون لا تتأتي منها سوى المصائب و الكوارث هذه الديمقراطية هي ما يضفي الشرعية للمثلية الجنسية و يعطي الحرية للمرأة في اللباس و التعلم و التصويت و بامكانها ان تترشح لمناصب عليا في مجتمعها كأن تكون رئيسة دولة  أو وزيرة او ... مستشارة مثل انجيلا ميركل الفاجرة ويحكم أيرضيكم هذا ؟ هل تقبلون تولي إمرأة ولاية المسلمين ؟ نحن نريد ان يكون نظام الحكم بالشورى و يتولى اهل الحل و العقد تسيير حياتنا بما يرضي الله و يرضيهم وكلنا ثقة في قدراتهم و علمهم و ما علينا سوى السمع و الطاعة و حينها سوف تشاهدون بأم اعينكم كيف ستتحسن الأحوال و يعم الخير في كل مكان عكس ما هو الحال الآن في جميع بلاد المسلمين. أريتم ما حدث في مقابلة كرة القدم في مصر ؟ شيوخنا أكدوا لنا بان تلك الأحداث الدموية هي عقاب من الله نتيجة عدم ستر لاعيبي كرة القدم لعوراتهم و هذا شىء لا يمكن ان يحصل بتاتا في دولة تتبع نظام الشورى لأنه بالتأكيد في تلك الحالة سيختار ولاة امورنا الزي المناسب لممارسة كرة القدم يستر لنا عوراتنا و يجنبنا غضب الله. تستطيع ان تسألني لماذا إذا لم نشاهد احداثا مماثلة في مباريات اخرى في بلاد الكفار؟ عندها سيكون جوابي واضحا و بسيط : انت علماني كافر مت بغيظك يا حقير وإبقى في جهلك.

في ما يلي سأحاول الحديث عن مكانة المرأة عندنا لأنني اجزم بأن العديد منكم يعتقد انني احتقرها نظرا لما ذكرته اعلاه. اريد ان أقول و رفعا لكل إلتباس  نعم انا احتقرها كيف لا وهي ناقصة عقل و دين. بالنسبة لي المرأة خلقت للنكاح و إشباع رغباتنا الجنسية و الحمد لله انه لنا الحق في اربع زوجات و ماطاب لنا من جواري و حتى الرضيعة لنا الحق في مفاخذتها حسب فتاوى شيوخنا الى ان تكبر و تصبح قادرة على تحمل تسونامي غرائزنا الحيوانية و كما تعلمون الإنسان بطبعه يجاهد للسيطرة على الرغبة في النكاح و الوقوع في محظور لا أخفي عليكم معاناتي لكبح جماح شهوتي و أنا اتجول في شوارع تونس و اشاهد تلك الحسنوات المتبرجات السافرات بسراويلهم الضيقة و اردافهن المكتنزة و تسريحة شعرهن  الأسود سواد اليل... أس أس أس...أستغفر الله أستغفر الله  لقد تماديت في وصفهن. لكن بعد الثورة الإسلامية   المباركة في 2011 اصبحنا نرى النقاب بكثرة في شوارعنا و باذن الله سيفرض على جميع نساء تونس ايظا لستر العورات و تجنب الكوارث و هذا ان لزم الأمر الجهاد لتحقيقه او... الإعتصامات وماقام به الإخوان في مركب منوبة دليل واضح على كلامي. و هنا يجرني الكلام الي الحديث عن الجهاد و السلفية الجهادية و هي ان ترفع السلاح لتحقيق شرع الله مثلما قال الشيخ علي بالحاج : ندير الكلاش. وهو مرحلة تالية انشاء الله وكم اثلجت صدري مقولة الشيخ شورو حين دعا الي قتل و صلب المفسدين في الأرض و تقطيع الأوصال من خلاف وجب القظاء على هؤلاء الكفار و التنكيل بهم لكي لا يبقى سوى الإنسان التقي الصادق و نعلن الجهاد ضد الأمريكان و الأوروبيين و نعود لسابق أمجادنا و لاسوف تركض الخيول في الشان إليزي و سوف نستعيد الأندلس و سوف يأخذ المجاهدون  صور النصر و هم يرفعون اقداحا ممتلئة ببول البعير في ساحة بلازا نافونا في قلب روما.